اخترت اكتب عشان برغم اني بلعب رياضه عنيفة لكن هي مش كفاية
انها تطلع الطاقة السلبية اللي بيبثها فيا المجتمع و الجامعه والبيت وحتي الشارع
اخترت اكتب عشان افرغ الافكار الكتيرة اللي عمالة تتخانق جوه عقلي
لدرجه اني بخاف علي فكره منهم تتوه مني و بقوم اكتبها قبل ما انام بالليل
اخترت اكتب عشان اكيد فكرة او موضوع من اللي بكتبه ممكن تدي امل لاي حد حتي
لو شخص واحد
اخترت اكتب عشان اكسب ثقه زياده في نفسي
اخترت اكتب عشان الاحظ ازاي بكبر و تفكيري بينضج ويتغير لما اشوف اللي كتبته
مثلا بعد عشر سنين
اخترت اكتب لنفسي.. للناس.. لاي حد.. لولا حد.. اخترت اكتب والسلام
